KARMEN MAURA, VİKTORİYA ABRİL, PENELOPA KRUZ VƏ BAŞQALARI…
Pedro Almodovarın filmoqrafiyasına nəzər salsaq süjetin ana xəttində mütləq qadın obrazının dayandığını görərik. Almodovar üçün qadın böyük anlam kəsb edir. Ancaq lamançalı rejissorun təhrif olunmuş qadın vücudu ilə özünü ifadə etməsi təəssüf hissi doğurur. Fu…
Almodovarın filmləri ispan cəmiyyətini o qədər canlı təsvir edir ki, orada ispan ruhunu sezmək olur. Əlbəttə ssenari nə qədər gözəl yazılsa da “Qayıdış”, “Qadınlar sinir böhranı ərəfəsində”, “Paralel analar”, “Danış onunla” kimi filmlərin uğuru “Almodovar qızları” kimi tanınan aktrisalarsız mümkün olmazdı…
Almodovarın təklifindən imtina etmək bir aktrisa üçün “ecazkar” ssenarinin tərkib hissəsinə çevrilməmək, ekrandan cəmiyyətlə ünsiyyəti itirmək və nəhayət ulduz olmaq imkanını qaçırmaq deməkdir. “Chicas Almodóvar” yəni Almodovar qızları ifadəsi də elə buradan yaranır. Ya sən Pedro ilə qalırsan, ya da xoş getdin…
Siyahıya düşən ilk Almodovar qızı ispan kinosunun tanınmış simalarından biri olan Karmen Mauradır. Aktrisa “Pepi, Lusi, Bom və o biri qızlar” filmində sönük görünsə də “Mən buna layiq deyildim”, “Qadınlar sinir böhranı ərəfəsində” ekran işlərilə parlayıb.
Almodovar bəyəndiyi aktrisaları filmlərində təkrar-təkrar çəkməyi sevir. Buna görə də rejissorun filmləri uğurlu alındıqca “Almodovar qızları” ifadəsi bir termin kimi öz yerini möhkəmlədib.
Karmen Maura ilə “saçyolduya” çıxan Viktoriya Abril Almodovarın diqqətini cəlb edən növbəti aktrisa olub. Onun “Sarı məni”, “Hündür dabanlar” və “Kika” filmlərində canlandırdığı obrazlar bir-birindən maraqlı alınıb.
Veronika Forke ilə Almodovar izdivacı isə 3 filmdə davam edib: “Mən buna layiq deyildim”, “Matador” və “Kika”. Digər çikaslarla müqayisədə Veronika Forkenin özünəxas bir yumoru vardı. O, insanları güldürməyi bacaran birisi idi. Məhz buna görə aktrisanın “Kika” filmindəki oyunu heç zaman yaddaşlardan silinmir.
“Chicas Almodóvar”dan danışarkən əlbəttə ki, Penelopa Kruzu yaddan çıxarmaq olmaz. Almodovar və Penelopa Kruz bir-birlərinə o qədər yaxındır ki onların ruh əkizi olduğunu düşünürsən. Aktrisa Almopdovarın “Titrək bədən” (1997) filmindən başlamış “Paralel analar” (2021) filminədək düz 7 ekran işində rol alıb. Aktrisanın karyerasında dönüş nöqtəsi isə “Qayıdış” lentidir. İlk dəfə Almodovar “Qayıdış”la Oskara namizədliyini sürüb. Növbəti beynəlxalq mükafat “Viki Kristina Barselona” filmindən gəlib.
Pedro Almodovarın ən maraqlı qızlarından biri də Rossi de Palmadır. Onun profilinə vurulmamaq olmur.
Ancaq Rossi de Palma haqqında növbəti yazıda…
Leave a Reply