İnterqalaktik tərcüməçilərin sözlərinə görə adamlar burada həyatının pik anlarını yaşayacaqlar, restoranlarda kainatın müxtəlif guşələrindən gətirilmiş təamların dadına baxacaqlar. Mənfi 100-cü mərtəbədəki kinoteatrda Sirius sivilizasiyası haqqında sənədli filmlər nümayiş olunacaq.
Hollivud ulduzu Tom Kruzun oynadığı ən maraqlı filmdlərdən biri də “TOP GUN”dır. İlk vaxtlar aktyor filmdə çəkilməyə razılıq verməsə də ABŞ Hərbi Dəniz Qüvvələrinin qırıcılarında uçduqdan sonra birmənalı olaraq “hə” deyib. Filmdə pərdəarxası məqamlar çoxdur. Film barədə çoxlarının bilmədiyi faktları təqdim edirəm.
Bu gün Kosmonavtika Günüdür. Yuri Qaqarin 1961-ci il aprelin 12-də Yerin orbitinə çıxan ilk Sovet kosmonavtı kimi bu tarixi günün ilk möhürü vurub. Əlbəttə kosmosun öyrənilməsi ondan sonra da davam edir. Gəlin insan sivilizasiyasının ilk kosmik addımlarını atan öncül simaların keçdiyi yolu birlikdə izləyək.
Xəstəxanaya çataçatda şəhərə qaranlıq çökdü, günün gündüzündə günəş qeybə çəkildi, ətrafda səs kəsildi. Dünyanın sonu gəldiyini düşündülər. Nə baş verdiyini anlamırdılar, bir anlıq nitqləri tutuldu. Emin canındakı xofu qovub bərkdən qışqırdı:
– Hə, təbrik edirəm, Allahın qəzəbinə gəldin! Cəhənnəmə getmək istəyirsən mənsiz get! Həyatından bezmisən, mənim nə günahım var…
ƏRAFIN DƏRİN QATLARINDA hekayədən bir parça səsləndirdi: MƏMMƏD MƏMMƏDLİ
hekayə
Əlində araq şüşəsi sahil boyu hara getdiyinin fərqində deyildi. Ayaqları dənizin qumuna dolaşır, bədəni dalğaların xışıltısında boşluğa yuvarlanırdı. Ölmək, torpağa qarışıb yox olmaq, lap elə cəhənnəmə getmək Aslan üçün ən yaxşı son olardı, əgər o, naməlum məxluqlarla üzləşməsəydi…
Gecəni məst edən ay işığında dayanıb Xəzərə tamaşa edirdi. Gözləri ağaran dalğalara qoşulub rəqs edir, arabir səmanın dənizlə birləşib itdiyi boşluğa zillənirdi. Birdən ona elə gəldi ki, suyun üzü alışıb yanır. Həmən sərsəmlədiyini sandı, bu ola bilməzdi. Zəhrimarı bu dəfə qədərindən artıq içib. O qədər içib ki, dəniz gözünün qabağında alışıb yanır. Başını silkələdi, gözlərini yumub açdı. Yox! Bu, qarabasma deyildi! Dəniz qaynayıb coşduqca içindən bir “Günəş” çıxırdı.